Fińkievič ledź nie zahinuŭ u aŭtakatastrofie
abnoŭlena
Heta zdaryłasia kala pavarotki na Ščučyn. Mašyna vylecieła z šašy i trojčy pierakuliłasia. Zdareńnie adbyłosia ŭ subotu, kali były palitviazień viartaŭsia z horadu nad Niomanam z sustrečy. Pryčyny zdareńnia pakul nieviadomyja.
Jak raskazaŭ nam Artur Fińkievič, na chutkaści 100 km/h u «Opela Ameha», na jakim jon viartaŭsia z Horadni ŭ Miensk, advaliłasia koła. Heta zdaryłasia kala pavarotki na Ščučyn. Mašyna vylecieła z šašy na 25 metraŭ i trojčy pierakuliłasia.
Razam z Arturam jechali jašče dźvie asoby.
Zdareńnie adbyłosia ŭ subotu, kali były palitviazień viartaŭsia z horadu nad Niomanam z sustrečy. Adnak infarmacyju jon čamuści raspaŭsiudziŭ tolki ŭ paniadziełak.
Artur śćviardžaje, što napiaredadni haniaŭ mašynu ŭ ramont i što aŭtamabil byŭ u poŭnym paradku. Ź jahonych słovaŭ, jon adčuvaŭ u darozie, što mašynu viadzie ŭleva, ale nie spyniaŭsia.
Na dumku ekspertaŭ, ź jakimi my havaryli, zdareńnie mahło adbycca i z pryčyny taho, što małady kiroŭca nia daŭ rady kiravańniu. Tolki kančatkovaje zaklučeńnie, ci sapraŭdy pryčynaju staŭ adryŭ koła, moža rasstavić kropki nad i.