Na VIDEA trapili tysiačy krabaŭ-pavukoŭ, jakija skidajuć pancyry: niejmaviernaje vidovišča
Zdymačnaja hrupa dakumientalnaha sieryjała «Błakitnaja płanieta» na brytanskim telekanale BBC Earth zdoleła zaśniać ceły lehijon krabaŭ-pavukoŭ, jakija ŭ pieršuju poŭniu zimy skidajuć pancyry, što stali dla ich ciesnymi.
Kraby-pavuki atrymali svaju nazvu za vielmi doŭhija łapy, jakija robiać ich padobnymi da pavukoŭ. Siamiejstva ŭklučaje kala 200 vidaŭ marskich krabaŭ, najbujniejšym ź jakich jość japonski krab-pavuk — samaja vialikaja rakapadobnaja istota na płaniecie.