Arabskija krainy zaklikali ZŠA admianić rašeńnie pa Ijerusalimie
Bolš za 20 arabskich krain zaklikali ZŠA admianić rašeńnie ab pryznańni Ijerusalima stalicaj Izraila, zajaviŭšy, što jano moža pryvieści da chaosu na Blizkim Uschodzie.
Ministry zamiežnych spraŭ Lihi arabskich dziaržaŭ zajavili, što ciapier na ZŠA nielha spadziavacca jak na pasiarednika ŭ dasiahnieńni miru ŭ rehijonie.
Zajava 22 dziaržaŭ, siarod jakich jość i bližejšyja sajuźniki ZŠA, była apublikavana ŭ toj čas, jak na Zachodnim bierazie i ŭ siektary Haza ŭžo try dni praciahvajucca biesparadki. U akcyjach pratestu biaruć udzieł sotni ludziej, paviedamlajecca pra čatyroch zahinułych.
Rezalucyja Lihi arabskich dziaržaŭ była ŭzhodniena paśla niekalkich hadzin pieramovaŭ. Jaje padtrymali niekalki sajuźnikaŭ ZŠA, uklučajučy AAE, Saudaŭskuju Araviju i Iardaniju, jakija raniej užo vykazvali zakłapočanaść rašeńniem Trampa.