Dyzajniery stvaryli viečnyja krasoŭki, jakija buduć kaštavać $200
Krasoŭki z hrafienavaj padešvaj značna macniejšyja za zvyčajny biehavy abutak i nie bajacca znosu.
Navukoŭcy Univiersiteta Mančestera razam z brytanskim vytvorcam spartovaha adzieńnia Inov-8 raspracavali pratatyp zvyšmocnych krasovak. Para abutku źjavicca na rynku ŭžo ŭ nastupnym hodzie, paviedamlaje Techcrunch.
Daśledčyki dadali ŭ zvyčajnuju kaŭčukavuju padešvu čaścicy hrafienu — materyjału, jaki ŭ 200 razoŭ tryvalejšy za stal. Pa słovach navukoŭca Aravinda Vidžajarahchavana, padešva hrafienavych krasovak na 50% macniejšaja i na stolki ž ełastyčniejšaja i ŭstojliviejšaja da znosu, čym u zvyčajnaj pary abutku. Košt krasovak, jakija źjaviacca ŭ prodažy ŭ nastupnym hodzie, składzie kala 200 dalaraŭ.
Praz značnaje patanieńnie hrafien stali vykarystoŭvać dla stvareńnia zvyšmocnych materyjałaŭ. Naprykład, materyjał umacuje korpus zvyšhukavych samalotaŭ i pavialičyć resurs akumulataraŭ.