Šorac zahadaŭ razabracca ź nielehalnymi handlarami
Na apieratyŭnaj naradzie ŭ haradskim vykanaŭčym kamitecie 11 śniežnia staršynia Minharvykankama Andrej Šorac daručyŭ haradskim słužbam uzmacnić kantrol za niesankcyjanavanym handlem, pieradaje karespandent ahienctva «Minsk-Naviny».
Pavodle słoŭ hałoŭnaha dziaržaŭnaha sanitarnaha doktara Minska — hałoŭnaha doktara Minskaha haradskoha centra hihijeny i epidemijałohii Neli Hindziuk, maksimalny štraf dla takich parušalnikaŭ składaje: dla fizičnych asob — 30 bazavych, jurydyčnych asob — 200 bazavych vieličyń.
Pa dadzienych načalnika ŭpraŭleńnia handlu i pasłuh Minharvykankama Niny Jemialjanavaj, na niezakonnych pradprymalnikaŭ składziena ŭžo bolš za 1500 pratakołaŭ. Hetyja hramadzianie atrymali štrafy ad 5 da 50 bazavych vieličyń.
— U horadzie jość miescy, dzie pastajanna handlujuć ź ziamli. Naprykład, kala haścinicy «Arbita», na vuł. Vałhahradskaj raźmiaścilisia cełyja handlovyja šerahi. Tam pradajuć što zaŭhodna: rybu, miasa, sała. Takija «pradprymalniki» stajać užo navat na pr. Pieramožcaŭ. Hetuju praktyku para zakančvać, — adznačyŭ Šorac.
Staršynia Minharvykankama daručyŭ adkaznym słužbam — sanitarnaj, padatkovaj, a taksama pravaachoŭnikam, kiraŭnikam administracyj rajonaŭ horada i inšym — razabracca ź situacyjaj.