Apple vykupiła servis raspaznańnia muzyki Shazam za $400 miljonaŭ
Amierykanskaja karparacyja Apple aficyjna paćvierdziła kuplu brytanskaha servisu pa raspaznańni muzyki Shazam. Košt uhody skłaŭ $400 miljonaŭ, chacia raniej hety mabilny dadatak aceńvali ŭ $1 miljard.
«Applie Music i Shazam idealna pasujuć adno adnamu, dazvalajučy šukać lepšuju muzyku i dzialicca joju ź siabrami», — paviedamiŭ pradstaŭnik karparacyi resursu Recode. Apple Music — muzyčny servis Apple, jaki dazvalaje prasłuchoŭvać muzyku pa padpiscy.
Shazam u apošnim raŭndzie inviestycyj, pa dadzienych Techcrunch, byŭ acenieny ŭ $1 miljard. Heta čarhovy vypadak, kali startapy, jakija chutka nabyli papularnaść, pry vychadzie ź inviestycyjnaj stadyi nie atrymlivajuć toj acenki, na jakuju raźličvali inviestary, zaŭvažaje Forbes.
Shazam — prahrama, jakaja dazvalaje karystalniku vyśvietlić, jakaja muzyka hraje ŭ dadzieny momant.