U Biełarusi chočuć zavieści pieršuju kryminalnuju spravu za kradziež bitkojna
Z pačatku hoda kurs samaj papularnaj kryptavaluty vyras amal u 18 razoŭ — z 900 dalaraŭ da 16 tysiač. Zarabić na hetym sprabujuć nie tolki inviestary, ale i ašukancy. Ich achviaraj staŭ dyrektar minskaj firmy, piša sb.by
Da supracoŭnikaŭ Leninskaha RAUS Bresta jon źviarnuŭsia ŭ siaredzinie žniŭnia. Raspavioŭ, što ŭ 2011 hodzie nabyŭ kryptavalutu. Tady bitkojn kaštavaŭ kala 100 dalaraŭ. Minułym letam minčuk praz Telegram paznajomiŭsia z patencyjnym pakupnikom, jaki prapanavaŭ za 0,83 bitkojna try tysiačy dalaraŭ. Ździejśnić ździełku damovilisia ŭ Breście. Pieršy namieśnik načalnika RAUS Leninskaha rajona Dźmitryj Karaviakoŭski raspaviadaje, jak dalej raźvivalisia padziei:
— Udzielniki ździełki sustrelisia ŭ kafe ŭ centry horada. Praz adnu ź internet-biržaŭ minčuk pieravioŭ pakupniku 0,83 bitkojna. Čakać zaviaršeńnia tranzakcyi treba było paru hadzin. Adnak patencyjny pakupnik za hety čas paśpieŭ schavacca ŭ nieviadomym kirunku. Abumoŭlenuju sumu jon tak i nie pierakłaŭ.
Milicyja sprabuje ŭstanavić asobu złamyśnika. Dźmitryj Karaviakoŭski pryznaje - vypadak nieardynarny. Jość składanaści z pravavoj acenkaj hetaha złačynstva. Pierš kryminalnyja spravy pa fakcie kradziažu kryptavaluty ŭ Biełarusi nie zavodzilisia.