Natchnieńnie: biełaruskamoŭny instahram paetki-amatarki etnahrafii
Kožny tydzień my znajomim vas ź cikavymi instahram-akaŭntami. Dla natchnieńnia i nie tolki. Siońnia raim padpisacca na Hannu Šakiel, cymbalistku i paetku.
U mianie svaja sacsietka - Refleksahram. Pišu doŭhi-doŭhi post, kab usim było lanotna čytać i nichto nie zaŭvažyŭ, što jon asabisty-asabisty. Chacia ŭvieś čas padśviadoma šukaju śviedkaŭ svaich duchoŭnych błukańniaŭ. Tamu nastupnyja słovy jak minimum dla naziralnicy za maim staleńniem i siastry pa čyrvonaj nitcy. Apošnim časam ź dziaŭčatami było pryniata abmiarkoŭvać narodziny-paci praz pytańnie, ci była (a mo chutčej ci adčuvała siabie) imianińnica karalevaj. Tak, chłopcy, jakija dajšli da hetych radkoŭ, prynamsi ŭ hety dzień dziaŭčaty chočuć być centram uvahi. Usim viadomy fakt, napeŭna. Ja była radaja być saboj - paparać kvietkaj Ale, zdajecca, taksama ja padjechała da raźviłki. Jość adna za Lubańniu, dzie treba pajechać pa druhasnaj i pryjechać u Kuźmičy, a jość druhaja za lubaściu, dzie da ščaścia treba jechać pa hałoŭnaj. Znosiny pavinny źviazvacca niečym vysokim. Muzyka nas źviazvać pierastała, a astatniaje pamiž nami dla mianie nie maje nijakaj vartaści. Heta raźviłka i heta narmalna. Hety dzień dla mianie byŭ śviatam junactva. Daj Boh, nie apošnim. Z 39-hodździem naŭrad ci na moj kraj suśvietu pryjeduć pavinšavać mianie ludzi, jakija, budziem ščyrymi, navat nie zaŭsiody sa mnoj vitajucca. Pryhažość junactva i maładości i jość u toj samaj prostaści stasunkaŭ. Vy pryvieźli mnie ciažki miech ščaścia, jakim ni z kim dzialicca nie chaciełasia. I biespadstaŭna jano pačało tonkimi piasočnymi strujkami vysypacca praź dzirački-pasty vašych sacsietak. Ciapier, pa łohicy, ułasnaručna vysypaju miech całkam. Pieršy raz za majo žyćcio na maich vačach padymałasia sonca. Hetaja noč, prykładna jak na javie, śniłasia mnie niedzie na pačatku sakavika. Pryjemna zaŭvažać, što amal usie dumki i pamknieńni serca ažyćciaŭlajucca. Akramia taho, što ŭ sałamianaj karobačcy razam z šarścianymi škarpetkami lažyć užo hod.
Publikacija ot hania mihdal (@gannaczka) Ijuł 9 2017 v 6:00 PDT
Hanna Šakiel.
Hańnie 19, jana naradziłasia i vyrasła ŭ Maładziečnie, a ciapier vučycca ŭ MDŁU.
Dziaŭčyna ŭsprymaje instahram jak dziońnik i, niahledziačy na toje, što jon pa zmaŭčańni praduhledžvaje fota i videakantent, dzielicca tut dumkami i vieršami.
Pačytać ryfmy Hanny možna i ŭ biełaruskich litaraturnych časopisach, naprykład, u «Dziejasłovie». Akramia hetaha, dziaŭčyna cikavicca etnahrafijaj (mabyć, jana navat pryjdzie da vas u chatu ŭ vobrazie Kazy na Kalady) i zajmajecca muzykaj. Ź niadaŭniaha času joj davodzicca jaje pisać: z adnoj paetkaj Hanna rychtuje muzyčna-paetyčny prajekt, dzie hraje na cymbałach.
I zapalvaju ciabie ja i raŭnuju da nikoha, jak ty nas lubiła, kvietka, - viestačka ahniu načnoha! Možna pasprabavać rastłumačyć Hannačcy, što knihi treba čytać, a nie fatahrafavać. Zborničak vieršaŭ Habryeły Mistral u pierakładzie Baradulina. Ščyra - ciažka čytać, ciažka razumieć, ciažka puścić da dušy. Moža, paźniej darastu. Kimmie - Hirlandočka «Požałujuś ja mamočkie: "Kupi žie mnie hirlandočku, čtob było viesielej"» - pieła vsie vychodnyje, tak čto dostała mamočku, i ona poobieŝała kupiť hirlandočku. Chorošaja piesienka dla pieriepołzanija iz nojabria v diekabŕ, vsiem sovietuju.
Publikacija ot hania mihdal (@gannaczka) Diek 5 2017 v 9:23 PST
Čytajcie taksama:
Kamientary da artykuła
