Nastaŭnica biełaruskaj movy zaniała treciaje miesca na «Misis Śvietu — 2017»
U Jochanesburhu — samym bujnym horadzie PAR — zaviaršyŭsia konkurs «Misis Śvietu 2017», u jakim uziali ŭdzieł 35 najpryhažejšych pradstaŭnic roznych krain, piša tut.by.
U adroźnieńnie ad bolšaści konkursaŭ pryhažości, «Misis Śvietu» źbiraje nie junych niezamužnich dziaŭčat madelnych paramietraŭ, a žonak i matul, jakija zbudavali karjeru i mohuć prapanavać śvietu ŭłasny sacyjalny prajekt.
Našu krainu pradstaŭlała Darja Reut, suŭłaśnica brenda My Muse Vintage, redaktarka časopisa Famous i mama čatyrochhadovaha syna Marka.
Pa śpiecyjalnaści Darja nastaŭnica biełaruskaj i ruskaj movy i litaratury, zachaplajecca teatram, sportam, lubić padarožničać, hatavać. Sioleta na fiestyvali Taste of Minsk Darja realizavała prajekt intehracyi ŭ sacyjalnaje asiarodździe siemjaŭ biežancaŭ z Afhanistana i Ukrainy sumiesna z ofisam UNHCR.
Na finale «Misis Śvietu» Daša prajšła ŭsie paŭfinały: spačatku ŭvajšła ŭ 12-u najlepšych, potym — u šaściorku i finalnuju trojku.
Pa rašeńni žury Biełaruś atrymała treciaje miesca, a Darja Reut stała druhoj vice-misis. Pieršaj vice-misis nazvali pradstaŭnicu Kosta-Ryki, a karona pieramožcy pajechała ŭ Hankonh.
Darja ź pieramožcaj konkursa.