Vajskoviec pakazaŭ dziaŭčynie ŭ videačacie pałavy orhan, a jana zapatrabavała ź jaho hrošy
Maładziečaniec 1996 hoda naradžeńnia, vajskoviec, pryjechaŭ u adpačynak 16 vieraśnia. 19 vieraśnia ŭ videačacie jon paznajomiŭsia ź dziaŭčynaj, jakaja pradstaviłasia Miłanaj. Padčas razmovy jana ahaliła vierchniuju častku cieła. A zatym paprasiła chłopca pakazać, «što ŭ jaho jość».
Małady čałaviek źniaŭ majtki i kala 40 siekund demanstravaŭ svoj pałavy orhan, — raspavioŭ kraj.by namieśnik načalnika Maładziečanskaha rajonnaha adździeła ŭnutranych spraŭ, načalnik kryminalnaj milicyi Jury Kabakoŭ.
Paśla ŭbačanaha dziaŭčyna paprasiła dasłać chłopca spasyłku na staronku ŭ sacsietkach. Jon tak i zrabiŭ. Praz 15 chvilin novaja znajomaja dasłała chłopcu videafajł, u jakim jon vielmi chutka paznaŭ siabie.
Pa słovach Juryja Kabakova, za nieraspaŭsiud videa Miłana zapatrabavała 7 500 rasijskich rubloŭ (kala 255 biełaruskich). Čatyry dni dziaŭčyna vymahała hrošy i navat adpraviła rolik niekatorym ź jaho siabroŭ. 22 vieraśnia małady čałaviek źviarnuŭsia ŭ milicyju.
Maładziečanski RAUS pieradaŭ usie materyjały ŭ rajonny adździeł SK dla kryminalnaj spravy pa č.1 art. 208 Kryminalnaha kodeksa «Vymahalnictva». Złačynstva karajecca pazbaŭleńniem voli ad troch da dziesiaci hadoŭ z kanfiskacyjaj majomaści abo biez kanfiskacyi.
- Takich vypadkaŭ pa Maładziečanskim rajonie dastatkova, — padkreśliŭ Juryj Kabakoŭ. — Ale hramadzianie čamuści praciahvajuć pavodzić siabie ŭ Internecie nieaściarožna.