Spakuślivy vodar hetaha štolena vas začaruje RECEPT
Štolen — heta tradycyjny niamiecki kaladny kieks. Jaho vyhlad i forma simvalizujuć spavitaha niemaŭlatku Isusa. Receptaŭ jaho isnuje vialikaje mnostva. Zvyčajna štolen piakuć za 2-3 tydni da Rastva, kab jon moh «saśpieć», a ŭsie smaki całkam raskrylisia.
Ale ništo nie zaminaje pačać jeści jaho ŭžo na nastupny paśla vypiečki dzień, jak heta zrabili my — nadta ŭžo spakuślivy vodar raznosiŭsia pa kvatery. I treba skazać, što navat «niaśpieły» jon niejmavierna smačny. A patreniravać pradbačlivaść i siłu voli, dumaju, nahoda jašče budzie:) Choć, viadoma, lepiej dać štolenu palažać chacia b niekalki dzion — naprykład, da pravasłaŭnaha Rastva, kali śpiačy jaho ciapier.
Vam spatrebicca:
- kala 300 h muki
- 1,5 č.ł. razrychlalniku
- drobka soli
- 125 h cukru
- 200 h tvarahu
- 100 h masła
- 1 jajka
- cedra i sok pałovy limona
- 50 h mindalu
- 50 h razynak
- 50 h sušanych žuravin
- 100 h kurahi
- 25 h apielsinavych cukataŭ (u mianie nie było, uziała cedru 1 apielsina)
- pa 0,5 č.ł. vanilnaha i mindalnaha ekstraktaŭ (možna bieź ich, albo zamiest vanilnaha ekstraktu ŭziać paru łyžak vanilnaha cukru)
- kala 50 h masła dla prapitki
- cukrovaja pudra dla pasypki
Jak hatavać:
1. Kurahu drobna parezać, razam z astatnimi suchafruktami zalić nievialikaj kolkaściu ałkaholu (romu, kańjaku, brendzi) i pakinuć na sutki (albo chacia b na noč).
2. Mindal pasiačy.
3. Miakkaje masła ŭźbić z cukram. Praciahvajučy ŭźbivać, dadać jajka, tvaroh (jon pavinien być hładki, u razie patreby pracierci jaho praź sita), cedru i sok limona i ekstrakty.
4. Źmiašać muku z razrychlalnikam i sollu, pastupova ŭsypać u maślana-tvarožnuju sumieś (muki moža spatrebicca krychu bolej). Dadać arechi, potym suchafrukty z cukatami, dobra pieramiašać.
5. Sfarmavać štolen (čym apisvać słovami, praściej pahladzieć u huhle, jak heta robicca). Vypiakać kala 50-60 chvilin na 180°S.
6. Jašče ciopły štolen ščodra zmazać rastoplenym masłam i pasypać cukrovaj pudraj. Całkam astudzić, ščylna zaharnuć (naprykład, u folhu, potym pakłaści ŭ pakiet i zaviazać) i pakinuć «vyśpiavać» pry pakajovaj tempieratury.
Smačnaha vam Novaha hoda!
Hatujcie taksama:
- Idealnyja zimovyja piernički
- Šakaładnaje piečyva z marcypanam
- Mindalnyja śniežki — niamieckaje kaladnaje piečyva
- Makavyja syrniki ŭ duchoŭcy
- Zapiečany kamambier i hrušy z błakitnym syram dy arechami
- Duchmianaje jabłyčnaje piečyva
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Piečyva z žuravinami
- Jabłyčny kieks z syram