Biełaruskaje kino ad Ńju-Jorku da Chanty-Mansijsku
Karcina Volhi Mikałajčyk «Serca za kratami» i «Halereja Ady» Ŭładzimiera Kołasa atrymali pryzy ŭ Chanty-Mansijsku, a film Andreja Kudzinienki «Rozyhryš» pradstaŭlaŭ rasiejskaje kino ŭ Ńju-Jorku.
Karcina Volhi Mikałajčyk «Serca za kratami» (Viaźni sumleńnia) i stužka Ŭładzimiera Kołasa «Halereja Ady» atrymali pryzy na festyvali televizijnaha kino, što zavieršyŭsia 25 vieraśnia ŭ Chanty-Mansijsku.
Film «Serca za kratami» byŭ pryśviečany palityčnym viaźniam i atrymaŭ uznaharodu, jak najlepšaja publicystyčnaja stužka.
Karcina Ŭładzimiera Kołasa, što adznačanaja pryzam «Nacyjanalny charaktar», raspaviadaje pra nastaŭnicu Adu Rajčonak, jakaja žyvie ŭ vioscy i arhanizuje mastackija płenery, pryśviečanyja pamiaci syna.
Adnačasova ŭ Ńju-Jorku prachodziŭ tydzień rasiejskaha kino. Stužka «Rozyhryš», jakuju źniaŭ biełaruski režyser Andrej Kudzinienka i ŭ jakoj hałoŭnuju rolu syhraŭ biełaruski aktor — była pradstaŭlenaja siarod dziesiaci najlepšych rasiejskich filmaŭ.