Minadukacyi: Himnazii zastanucca, ale nabirać buduć pa prapiscy
Fota Siarhieja Hudzilina
Status himnazii zachavajecca, ale prahrama ŭ himnazii budzie adroźnivacca ad zvyčajnaj škoły tolki z 10 kłasa, paviedamiła namieśnik ministra adukacyi Raisa Sidarenka.
Zaraz dziaciej u 1 kłas buduć nabirać pa prapiscy, patłumačyła namieśnik ministra adukacyi Raisa Sidarenka. Administracyi rajonaŭ u najbližejšy čas pierahledziać, jakija damy buduć adnosicca da himnazii, a jakija — da škoły.
— U nas u krainie 28 himnazij, u jakich niama pačatkovaj škoły. My ŭžo zakłali ŭ dakumientach, što tam buduć kłasy z 1 pa 11, — udakładniła Raisa Sidarenka.
Usie dzieci, jakija ciapier vučacca ŭ himnazii ŭ 4 kłasie, piarojduć u 5 kłas.
A voś u 10 kłas himnazii treba budzie pastupać pa vynikach niezaležnaha ekzamienu, praŭda, źjavicca jon tolki praz dva hady.
— Status himnazii zachavajecca, hety ŭkaz dapamoža raźvivacca himnazii. Kali raniej 2 dadatkovyja hadziny išli na vyvučeńnie zamiežnaj movy, to zaraz dzicia zmoža vybrać luby pradmiet. Prahrama himnazii i škoły zaraz ničym nie budzie adroźnivacca, bo z 5 kłasa ŭ škołach budzie ŭvodzicca 2 dadatkovyja hadziny, pradmiet na pavyšanym uzroŭni budzie rozny, — patłumačyła namieśnik ministra.
Nahadajem, što 25 studzienia stała viadoma, što ŭstupnyja ispyty ŭ himnazii ŭ 5 kłas admianili.