«Mianie razbudziła adčuvańnie čahości mokraha na ciele» — chłopcy raspaviadajuć, jak ich zhvałtavali dziaŭčaty
Na płatformie papularnaj sacyjalnaj sietki Reddit raźviarnułasia haračaje abmierkavańnie temy zhvałtavańnia chłopcaŭ dziaŭčatami. Svaimi historyjami dzielacca maładyja ludzi z usiaho śvietu.
Tema, prapanavanaja adnym z karystalnikaŭ, chutka stała vielmi papularnaj i na hety momant źmiaščaje bolš za 9 tysiač kamientaroŭ.
Śpiecyjalna dla čytačoŭ «Niny» my pierakłali niekalki historyj i zaklikajem biełarusaŭ, jakija byli ŭ padobnych situacyjach, pisać nam na poštu nina@nn.by (harantujem ananimnaść).
Fota nabludatel.net.
Historyja 1
Usie znajomyja kazali: «Heta samy lohki seks u tvaim žyćci»
— Adnojčy, padčas navučańnia ŭ kaledžy, paśla pjanki, u nieprytomnym stanie ja pryjšoŭ dadomu i vyklučyŭsia. Da nas pahrukałasia dziaŭčyna. My jaje viedali, tamu susied pa kvatery puściŭ jaje. Jana zajšła ŭ moj pakoj i niejkim čynam, pakul ja lažaŭ pjany, u paŭmiortvym stanie, uzbudziła mianie i asiadłała.
Susied adkryŭ dźviery ŭ moj pakoj, zapaliŭ śviatło i spytaŭ, ci nadzieła jana chacia b preziervatyŭ. Jana adkazała «nie», i jon vyhnaŭ jaje z kvatery. Ja byŭ prainfarmavany pra ŭsio heta tolki ranicaj.
Ad adnoj dumki strašna, što było b, kali b my pamianialisia rolami. Ale asabista mnie ŭ cełym było ŭsio roŭna. I ŭsie znajomyja, jakim ja raskazvaŭ pra hety vypadak, kamientavali tak: «Heta byŭ samy lohki seks u tvaim žyćci!»
Historyja 2
Pieršaj majoj dumkaj było: «Ja abascaŭsia»
— Ja byŭ zhvałtavany dziaŭčynaj svajho susieda pa pakoi ŭ kaledžy. Susied sustrakaŭsia ź joj dzieści kala vaśmi miesiacaŭ. Jana była vysokaja, spartyŭnaja, pryvabnaja i z rudymi vałasami. I ŭ jaje byŭ znakamity charaktar ryžavałosych. Moj susied taksama nie byŭ idealnym bojfrendam, tamu jany vielmi časta svarylisia. Niekalki razoŭ ja vymušany byŭ fizična ŭmiešvacca ŭ kanflikt, kab praduchilić psavańnie našych rečaŭ. Hetyja svarki adbyvalisia minimum raz na tydzień, pieravažna kali jany napivalisia.
Adnojčy ŭ piatnicu dziaŭčyna majho siabra prapanavała mnie paznajomicca ź jaje siabroŭkaj. Tak my ŭčatyroch pajechali ŭ kłub. Ramantyčnyja adnosiny nie załadzilisia, ale ŭ cełym my dobra bavili čas ź siabroŭkaj siabroŭki.
Pryjšła maja čarha iści ŭ bar pa napoi. Ja stajaŭ za barnaj stojkaj, kali adčuŭ, jak čyjaści ruka paciahnułasia zzadu i lahła na maju pramiežnaść. Ja paviarnuŭsia i ŭbačyŭ dziaŭčynu majho siabra. Jana stajała nasuprać mianie i ŭchmylałasia. Ja aściarožna prybraŭ jaje ruku i śpisaŭ usio na ałkahol.
Praź dźvie hadziny my ŭžo imčali dadomu na taksi. Susied ź jaho dziaŭčynaj znoŭ svarylisia, a pamiž mnoj i jaje siabroŭkaj visieła miortvaja cišynia.
Paśla ja pamiataju ŭsio vielmi ćmiana. Byccam uvieś ałkahol, vypity raniej, pačaŭ dziejničać u adno imhnieńnie. Ja pamiataju, jak my pryjechali, ja raspłaciŭsia i pajšoŭ u svoj łožak, pakinuŭšy susieda i jaho dziaŭčynu harłapanić zvonku. Ale nie pamiataju, ci źniaŭ vopratku.
Fota allwomens.ru.
Nie viedaju, kolki času prajšło, ale mianie razbudziła adčuvańnie čahości mokraha na maim ciele. Pieršaj dumkaj pierad tym, jak adkryć vočy, było: «Ja abascaŭsia». Ja adkryŭ vočy i ŭbačyŭ na sabie dziaŭčynu susieda. Ja praćvierazieŭ u toj ža momant i chutka skinuŭ jaje ź siabie.
Ja pamiataju, jak spytaŭ: «Što ty, b**, robiš?». I jaje hučny adkaz, kab moh pačuć susied: «Niechta inšy nie choča mianie!» Ja skazaŭ joj vymiatacca, a jana abazvała mianie kazłom.
Nie mahu dakładna skazać čamu, ale paśla taho, što zdaryłasia, mianie zvanitavała.
Moža, vinavaty ałkahol, nie viedaju. Ja viarnuŭsia ŭ pakoj i zasnuŭ. I nikoli nie razmaŭlaŭ pra heta z susiedam ci jaho siabroŭkaj. Na nastupny dzień siabar skazaŭ, što byŭ takim pjanym, što ničoha nie pamiataje.
Nieŭzabavie paśla hetaha vypadku jany rasstalisia. Ja časam baču jaje ŭ horadzie. U nas narmalnyja adnosiny. Ale navat ciapier u mianie supiarečlivyja pačućci nakont padziej taho viečara.
Historyja 3
«Siabroŭkam ź siastroj padałosia viasiołym schapić mianie i raspranuć»
— Nie ŭpeŭnieny, što heta ličycca. Mnie było 13, i heta zdaryłasia padčas letnich kanikuł. Ja byŭ nadakučlivym małodšym bratam dla majoj zvodnaj siastry. Joj tady było 15 hod ci kala taho. Našy baćki pracavali, tamu doma my byli addadzienyja sami sabie.
U majoj siastry byli siabroŭki, jakija žyli pa susiedstvu. Čamuści im padałosia viasiołym schapić mianie i raspranuć. Heta byli prykładna 1979-1980-ja hady.
Jašče nie było internetu. U nas jašče nie źjavilisia videapłejer i kabielnaje telebačańnie, tamu ŭbačyć niejkim čynam aholenaha čałavieka supraćlehłaha połu było davoli ciažka (tolki kali ty nie adšukaješ baćkoŭski tajnik z pornačasopisami). Maimi katami kiravała cikaŭnaść, ja dumaju.
Ja pozna zrazumieŭ, što adbyvajecca. Ja pasprabavaŭ adbivacca, ale što mahło zrabić słaboje dzicia suprać ich? Jany źniali ź mianie adzieńnie, macali ŭsie maje častki cieła i śmiajalisia. Ja płakaŭ i kryčaŭ.
Heta praciahvałasia doŭhi čas, i ŭ rešcie rešt skončyłasia tym, što jany stamilisia, ci ja vyrvaŭsia, a najchutčej i toje, i druhoje. Heta było žudasna.
Ja čakaŭ maci, kab usio joj raspavieści. Ale jana admachnułasia i skazała, kab ja nie ŭvachodziŭ u jaje pakoj. Ja maliŭ jaje što-niebudź zrabić, ale ničoha nie adbyłosia. Ja byŭ chłopčykam, kamu jakaja sprava? Ja spadziajusia, što za 40 hadoŭ usio źmianiłasia, ale tady heta nichto nie ŭsprymaŭ usurjoz. Kali b padobnaje zdaryłasia z maim synam, to ja b źjechaŭ z hłuzdu…
Historyja 4
«U vosiem hadoŭ darosłaja žančyna zahnała mianie ŭ kut carkvy…»
— Kali mnie było vosiem, niadzielnymi ranicami ja chadziŭ u carkvu. Adnojčy žančyna, jakuju ja dobra viedaŭ (kala 30 hadoŭ, maci majho siabra), zahnała mianie ŭ kut adnaho pakoja i skazała, što choča pamalicca razam. Pakul jana maliłasia, jana ŭsiudy mianie macała. Seksu nie było, prosta abmacvańnie. Heta doŭžyłasia kala troch chvilin, ale adčuvałasia jak hadzina. Ja byŭ žudasna napałochany, i nikoli nikomu pra heta nie raskazvaŭ, navat praź dziesiacihodździ.
Ci traplali vy ŭ takija situacyi? Kali tak, to pišycie pra heta nam na poštu nina@nn.by, chočam raspavieści historyi biełarusaŭ. Zahadzia dziakuj.