Šalenstva na rasijskich debatach praciahvajecca: Šaŭčenka nazvaŭ Surajkina «banderaŭskim pravakataram», a toj u adkaz palez u bojku VIDEA
Maksim Surajkin pryvioŭ na debaty byłuju supracoŭnicu «Saŭhasa im. Lenina», jakaja śćviardžaje, što kandydat-kamunist Pavieł Hrudzinin «vysieliŭ jaje z kvatery». Pry jaje źjaŭleńni Hrudzinin syšoŭ sa studyi, a Surajkin zładziŭ sprečku ź jaho davieranaj asobaj, paviedamlaje RBK.
Na apošnija debaty kandydataŭ u prezidenty ŭ efiry «Rasii 1» lidar «Kamunistaŭ Rasii» Maksim Surajkin pryvioŭ svaju davieranuju asobu Lidziju Filkinu. Jaje pradstavili jak byłuju rabotnicu «Saŭhasa imia Lenina», jakaja zajaviła, što kandydat ad KPRF Pavieł Hrudzinin «vysieliŭ jaje z kvatery».
Hrudzinin, jaki abiacaŭ raniej nie ŭdzielničać u debatach, pryjšoŭ na apošni raŭnd pierad vybarami. Adnak, pierad pačatkam vystupu Filkinaj jaho ŭ studyi ŭžo nie było. Miesca kandydata ad KPRF zaniała davieranaja asoba Hrudzinina, žurnalist Maksim Šaŭčenka.
Šaŭčenka prypyniŭ vystup Filkinaj sa słovami: «U što vy vybary pieratvarajecie?». «Jak mohuć dva čałavieki vystupać. Davajcie jašče natoŭp pakličam davieranych asob, davajcie pieratvorym vybary zusim u cyrk», - aburyŭsia Šaŭčenka. Ź im pačaŭ spračacca Surajkin i viadučy debataŭ Uładzimir Sałaŭjoŭ.
Udzielniki ŭ studyi paśla hetaha pačali sprečku. Viadučy debataŭ Uładzimir Sałaŭjoŭ zapatrabavaŭ ad Surajkina pakinuć studyju. Pakul Surajkin išoŭ da vychadu, Šaŭčenka nazvaŭ jaho «banderaŭskim pravakataram», paśla čaho kandydat ad «Kamunistaŭ Rasii» sa słovami «ja tabie adrazu pa mordzie dam» pasprabavaŭ prarvacca da Šaŭčenki. Jaho spynili Sałaŭjoŭ i achoŭniki. U vyniku Surajkina vyvieli sa studyi.