Stvoranaja zubnaja ščotka, jakaja moža razmaŭlać i analizavać ślinu karystalnika
Šviedskaja kampanija FOREO pradstaviła zubnuju ščotku ISSALEXA, jakaja, analizujučy ślinu ŭładalnika, moža adhadvać jahony nastroj i vykazvać padtrymku z dapamohaj hałasavych fraz. Akramia taho, razumnaja ščotka maje funkcyju «detektar viernaści». Raspracoŭščyki zapeŭnivajuć, što navinka dapamoža zekanomić hrošy na psichołaha i stanie žyćciovym nastaŭnikam.
foreo.com
Takim čynam, u ISSALEXA, pa sutnaści, dźvie funkcyi: jana ažyćciaŭlaje čystku zuboŭ z dapamohaj technałohii hukavych pulsacyj T-sonic, a taksama vyznačaje nastroj čałavieka i padtrymlivaje jaho hołasam z dapamohaj FOREO — «emacyjnaha štučnaha intelektu», jaki analizuje ślinu čałavieka.
Akramia taho, praz analiz śliny na staronnija čaścicy navinka moža vyjavić, ci całavaŭsia z kim-niebudź inšym vaš partnior. Taksama ISSALEXA nahadaje ab prapuščanaj čystcy.
Ščotka zaradžajecca praz USB i nie maje patreby ŭ zaradnaj dok-stancyi. Adnaho poŭnaha zarada chapaje ažno na 365 dzion vykarystańnia.