Vialikabrytanija admoviłasia ad vajennaha ŭdaru pa Siryi
Times
Vialikabrytanii patrabujecca bolš dokazaŭ mierkavanaha prymianieńnia vojskami Bašara Asada chimičnaj zbroi, kab dałučycca da vajennaha ŭdaru pa Siryi.
Pra heta, jak paviedamlaje hazieta The Times, premjer-ministr Tereza Mej zajaviła ŭ telefonnaj razmovie z prezidentami ZŠA i Francyi Donaldam Trampam i Emanuelem Makronam.
Łondan nie padtrymaŭ namier Vašynhtona pravieści chutkuju apieracyju ŭ Siryi va ŭmovach, kali śpiecyjalisty Arhanizacyi pa zabaronie chimičnaj zbroi rychtujuć vizit va Uschodniuju Hutu dla pravierki paviedamleńniaŭ ab chimičnaj atacy ŭ pryharadzie Damaska.
Krainy Zachadu abvinavačvajuć vojski prezidenta Siryi Bašara Asada va ŭžyvańni chimičnaj zbroi suprać mirnaha nasielnictva ŭ horadzie Duma pobač z Damaskam. Pa źviestkach pravaabaroncaŭ, 7 krasavika siryjskija viertaloty skinuli na horad bomby z zarynam abo chłoram, u vyniku čaho zahinuli ad 40 da 70 čałaviek.