Staŭka refinansavańnia z 1 červienia budzie źnižanaja da 10,5 %
Staŭka refinansavańnia i dyskontnaja staŭka Nacyjanalnaha banka Biełarusi z 1 červienia buduć źnižany na 0,5 pracentnaha punkta da 10,5 pracenta hadavych. Takoje rašeńnie pryniata praŭleńniem hałoŭnaj bankaŭskaj ustanovy krainy i zamacavana pastanovaj ad 24.05.2006 numar 77.
Staŭka refinansavańnia i dyskontnaja staŭka Nacyjanalnaha banka Biełarusi z 1 červienia buduć źnižany na 0,5 pracentnaha punkta da 10,5 pracenta hadavych. Takoje rašeńnie pryniata praŭleńniem hałoŭnaj bankaŭskaj ustanovy krainy i zamacavana pastanovaj ad 24.05.2006 numar 77.
Jak paviedamili BIEŁTA va ŭpraŭleńni infarmacyi Nacyjanalnaha banka, čarhovaje źnižeńnie ŭzroŭniu stavak pravodzicca ŭ adpaviednaści z Asnoŭnymi napramkami hrašova-kredytnaj palityki Respubliki Biełaruś na 2006 hod i z ulikam tendencyj ahulnaekanamičnaj i finansavaj stabilnaści. Źnižeńnie stavak nakiravana, pierš za ŭsio, na dalejšaje źmianšeńnie koštu kredytaŭ bankaŭ i pašyreńnie ich dastupnaści dla nasielnictva i pradpryjemstvaŭ.
Na dumku śpiecyjalistaŭ Nacbanka, źnižeńniu stavak sadziejničaje ŭ pieršuju čarhu istotnaje skaračeńnie ŭzroŭniu inflacyi. Nahadajem, za studzień-krasavik biahučaha hoda pryrost indeksa spažyvieckich cen skłaŭ 2,5 pracenta (0,6 pracenta ŭ siarednim za miesiac) suprać 3,2 pracenta (0,8 pracenta ŭ siarednim za miesiac) za anałahičny pieryjad 2005 hoda.
Pry hetym z ulikam abmiennaha kursu biełaruskaha rubla pa-raniejšamu zachoŭvajecca značnaje pieravyšeńnie ŭzroŭniu dachodnaści ad raźmiaščeńnia ŭ bankach hrašovych srodkaŭ u rublovyja ŭkłady nad dachodnaściu ad ich zachoŭvańnia ŭ zamiežnaj valucie.-e-