Źmieny ŭ zakon ab ŚMI pačnuć razhladać na viasieńniaj siesii parłamienta
Biełaruski parłamient prystupić da razhladu źmianieńniaŭ u zakon ab ŚMI na viasnovaj siesii, paviedamiŭ siońnia žurnalistam namieśnik ministra infarmacyi Pavieł Lohki, pieradaje BiełTA.
U zakon ab ŚMI ŭvodzicca šerah novych terminaŭ, u tym liku «sietkavaje vydańnie», «internet-resurs». Da sietkavych, zhodna z zakonaprajektam, buduć adnosicca vydańni, jakija prajšli dziaržaŭnuju rehistracyju ŭ Ministerstvie infarmacyi. Mininfarm prapanuje raspaŭsiudzić dziejučy paradak rehistracyi na internet-resursy.
Prapanujecca taksama ŭvieści identyfikacyju karystalnikaŭ internet-resursaŭ.