Novy numar «Novaj Eŭropy»
Aśvieta i vychavańnie masaŭ — adviečnaja panščyna, jakuju ledź nie štodzionna pavinny adpracoŭvać biełaruskija elity. Dobra heta ci kiepska, ale taja pavinnaść nakładaje adbitak na źmiest luboha intelektualnaha praduktu — ad nacyjanalna aryjentavanaha da liberalnaha. Uśled za pieršym numaram polskaha Nowa Europa Uschodnia, u Miensku vyjšaŭ novy numar časopisa «Novaja Eŭropa». Tut nadzionnyja artykuły čarhujucca z tekstami na temy daŭno abhavoranyja, tekstami, jakija majuć na mecie vychoŭvać nacyjanalnuju śviadomaść čytača.
U numary — što dumajuć pra BNR Źmicier Vajciuškievič i Ivonka Surviłła. Histaryčny artykuł Majka Haldzienkova «Vielikij pieriedieł: Biełaruś kak łakomyj kusočiek» pra transfarmacyju «Ruś-Litva-Biełaruś». Interviju z mastakom Andrejem Durejkam pra adroźnieńni pamiž sučasnym niamieckim i biełaruskim mastactvami, i materyjał, pryśviečany kinarežyseru Inhmaru Berhmanu.
I, viadoma, nia spała z-pad voka novaeŭrapiejskaj redakcyi haračaja tema hetaha hodu — pašyreńnie Šenhienskaj zony.