Siamiejnuju paru nie puścili praź miažu: jany zakleili skotčam parvanyja dziećmi pašparty
5 červienia ŭ punkcie propusku «Makrany» pry afarmleńni na vyjezd va Ukrainu aŭtamabila «Aŭdzi» pamiežniki spynili dvaich parušalnikaŭ režymu miažy, paviedamlaje pres-słužba Pahraničnaha kamiteta
Muž i žonka z Hrodzienskaj vobłaści pradjavili niesapraŭdnyja pašparty. U ich dakumientach byli adarvanyja ad knižnaha błoka staronki i ŭklejeny nazad skotčam. Para patłumačyła, što dakumienty im parvali dzieci. Svaju prablemu jany vyrašyli vypravić prosta skotčam.
Praź niekalki hadzin u tym ža punkcie propusku 44-hadovy žychar Drahičynskaha rajona taksama pradjaviŭ pamiežnamu naradu pašpart, u jakim usie raniej razarvanyja staronki byli zamacavanyja klejem.
Pamiežny kamitet zaznačaje, što zhadanym hramadzianam u adpaviednaści z art.23.31 KaAP Respubliki Biełaruś (parušeńnie režymu dziaržaŭnaj miažy), vyniesienyja papiaredžańni. Pašparty kanfiskavanyja. Praź miažu jany nie prapuščany. Usim parušalnikam nieabchodna źviarnucca ŭ orhany ŭnutranych spraŭ pa miescy žycharstva dla zamieny dakumientaŭ