Sud pa spravie Knyroviča pieramieścicca ŭ SIZA
Fota Ułada Šviadoviča
Razhlad kryminalnaj spravy ŭ dačynieńni da biznesoŭca Alaksandra Knyroviča i jaho kaleh praciahniecca nie ŭ budynku suda Frunzienskaha rajona Minska, a ŭ śledčym izalatary. Dadzienuju infarmacyju TUT.BY paćvierdzili ŭ Minharsudzie.
«Z pryčyny chvaroby adnaho z abvinavačanych pryniata rašeńnie praciahnuć razhladać spravu ŭ SIZA», - skazaŭ surazmoŭca.
Były dyrektar i saŭładalnik «SarmatTerma-Inžynirynh» Uładzimir Daškievič z-za prablem sa śpinaj moža znachodzicca tolki ŭ lažačym stanoviščy. Transpartavać jaho ŭ budynak sudu nie mahčyma.
Z-za ŭnutranych mier biaśpieki žurnalisty nie zmohuć prysutničać na pasiadžeńniach u SIZA.
Alaksandr Knyrovič i čaćviora jaho kaleh byli zatrymanyja ŭ studzieni 2017 hoda. Jany abvinavačvajucca ŭ niavypłacie padatkaŭ i davańni chabaraŭ čynoŭnikam ź sistemy ŽKH i enierhietyki.