Suprać dyrektara «Bi end Bi inšurens» zaviali kryminalnuju spravu
Kryminalnaja sprava za niezakonnuju pradprymalnickuju dziejnaść zaviali na hiendyrektara strachavoha tavarystva «Bi end Bi inšurens Ko», paviedamlaje pres-słužba HUUS Minharvykankama.
Z 11 krasavika Ministerstvam finansaŭ było spyniena dziejańnie licenzii na prava ažyćciaŭleńnia strachavoj dziejnaści kampanii.
«Adnak u parušeńnie zakanadaŭstva ŭ halinie strachavańnia hiendyrektar arhanizavaŭ pracu pa dalejšym pryciahnieńni da strachavańnia aŭtatranspartnych srodkaŭ novych klijentaŭ — składalisia i padpisvalisia dadatkovyja pahadnieńni da raniej zaklučanych strachavych polisach. Mužčyna nielehalna atrymaŭ dachod bolš čym na 170 tysiač rubloŭ. Ciapier jamu moža pahražać pazbaŭleńnie voli da 5 hadoŭ».
Apieratyŭniki pa baraćbie z ekanamičnymi złačynstvami ŭstalavali amal 300 faktaŭ pryniaćcia na strachavańnie novych abjektaŭ supracoŭnikami kampanii.