AZCHZ vyjhrała prava nazyvać vinavatych u chimičnych atakach. Biełaruś, Rasija i Burundzi byli suprać
Arhanizacyja pa zabaronie chimičnaj zbroi (AZCHZ) atrymała prava nazyvać vykanaŭcaŭ chimičnych napadaŭ, piša Reuters.
Za adpaviednaje rašeńnie ŭ chodzie śpiecyjalnaha pasiadžeńnia ŭ Haazie prahałasavali dźvie traciny dziaržaŭ-siabraŭ arhanizacyi (82/24).
Inicyjataram hałasavańnia vystupiła Vialikabrytanija. Brytanskaja delehacyja prapanoŭvała prahałasavać za prajekt jašče ŭ aŭtorak, adnak z-za piarečańniaŭ Rasii, Siryi i Irana hałasavańnie adkłali na 24 hadziny. Kiraŭniki delehacyj troch krain zapatrabavali dadatkova abmierkavać brytanskija prapanovy da hałasavańnia.
Na nastupny dzień, u sieradu, piać krain — Vieniesueła, Iran, Biełaruś, Kazachstan i Burundzi — pasprabavali vyklučyć nadzialeńnie AZCHZ abvinavaŭčymi funkcyjami. Kožnaja z hetych krain vyniesła na hałasavańnie svaje papraŭki ŭ prajekt Łondana. Adnak namahańni piaciorki nie byli paśpiachovymi — usie piać papravak byli adchilenyja.