Što aznačajuć tatuiroŭki Nejmara?
Zbornaja Brazilii zaniała pieršaje miesca ŭ svajoj hrupie i ciapier čakaje sustrečy ź Mieksikaj u 1/8 finała. Ciažka pieraacanić układ u hulniu kamandy ich lidara — Nejmara da Siłvy Santasa Žunijora, ci prosta Nejmara. Siońnia napadajučy PSŽ addaŭ halavy pas, vyłučaŭsia svaimi fintami. Čym jašče pryciahvaje brazilec, dyk heta tatuiroŭkami. Ahułam ich u brazilca kala saraka, tamu tut my raskažam tolki pra niekatoryja ź ich.
Nejmar nie škaduje svajho cieła. Na pravaj ruce jon nabiŭ vialiki partret svajoj małodšaj siastry Rafaeły. Krychu paźniej na toj samaj ruce dadaŭ vočy baćki. Na hrudziach u Nejmara klatva baćku. «Ja zaŭsiody malusia pierad svaimi matčami — heta danina pavahi da baćki». Jość vyjava i syna Davi Łuki, jaki źjaviŭsia ŭ futbalista, kali jamu było 19.
U svaich tatuiroŭkach futbalist pakazvaje siabie viernikam. Na pieradpleččy ŭ jaho namalavanyja ruki padčas malitvy i karotki nadpis «Viera». Brazilec kaža, što bieź viery jon by nie zmoh stać tym, kim jon jość siońnia.
«Ščasny» — kaža tatu na śpinie futbalista. «Ja litaralna vyras u carkvie», — niekali pryznavaŭsia forvard. A jašče jość vielmi tatuiroŭka łakaničnaja: «Vierny bohu». «Apranieciesia ŭ poŭnuju zbroju Božuju, kab vam možna było stać suproć chitrykaŭ djabalskich», — hetaja cytata z pasłańnia Jefiesianam vybitaja Nejmaram na pravym pradpleččy. Jość jašče cytata z pasłańnia Karynfijanam.
Na abiedźviuch ščykałatkach jon nabiŭ pa-partuhalsku słovy «Śmiełaść» i «Radaść». Maŭlaŭ, heta toje, da čaho varta imknucca.
Na adnoj z łytak raźmieščanaja karcinka maleńkaha chłopčyka, jaki basanož hulaje ŭ futboł u brazilskich favełach. Aluzija na samoha Nejmara čytajecca vielmi-vielmi lohka. Mabyć, tudy ž u dziacinstva adsyłaje tatu na pieradpleččy na Nejmara, dzie raźmiaščajecca kułak i nadpis kaža: «Heta častka majoj historyi». Lohkim žyćcio ŭ forvarda nie było nikoli.
Life is a joke. Žyćcio — heta žart. Takim devizam pa žyćci karystajecca napadajučy. Mienavita tamu takoje pasłańnie jon źmiaściŭ na plačy. A na šyi źmieščany nadpis Tudo Passa, albo «Usio projdzie». I dobraje, i kiepskaje.
Na ŭkazalnym palcy jon zrabiŭ prosty nadpis. Shhh (Tsss) — heta niešta kštałtu: «Cicha». I źviernuty jon najpierš da jaho krytykaŭ. Što, atrymlivajecca ŭ jaho niabłaha. Pahladzim, ci pryviadzie Nejmar svaju kamandu da čempijonstva na hetym mundyjali.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!