U Horadni farmirujucca pieršyja kłasy i hrupy ŭ sadkach pa-biełarusku. Adpraŭcie svaich dzietak i vy!
Z 1 krasavika pa 22 červienia ŭ horadzienskija škoły pastupiła 6 zajavak ad baćkoŭ, jakija chočuć, kab ich dzieci navučalisia ŭ pieršaj klasie na biełaruskaj movie, piša Radyjo Svaboda. Zajavy ŭ pieršuju klasu prymajucca da 28 žniŭnia.
Na sajcie škoły № 32 možna pabačyć, što ŭ pieršuju klasu z navučańniem na biełaruskaj movie pakul padadziena 5 zajavak. I tolki adna takaja zajaŭka padadziena ŭ škole № 34.
U Horadni pakul niama nivodnaj biełaruskamoŭnaj škoły, ale ŭžo bolš za 60 dzietak u roznych klasach navučajucca pa-biełarusku — u škołach № 32 i № 34.
Namieśnica načalnika adździełu adukacyi Haradzienskaha harvykankamu Alena Pachomava raskazała, što pakul nia viedaje, ci adkryjuć 1-ja klasy z navučańniem na biełaruskaj movie: kali baćki padaduć zajaŭki, to klasy adkryjuć.
Staršynia horadzienskaj arhanizacyi TBM Viktar Parfionienka skazaŭ, što z krasavika siabry jahonaj arhanizacyi pravodziać ahitacyju siarod baćkoŭ, kab jany addavali dziaciej u biełaruskija klasy.
Jon zaklikaje vałancioraŭ dałučacca da TBM u spravie ahitacyi baćkoŭ, kab tyja pisali zajavy dla navučańnia dziaciej na biełaruskaj movie.
U dziciačyja sadki ź biełaruskaj movaj u Horadni z krasavika padali 4 zajaŭki. U horadzie isnuje niekalki biełaruskamoŭnych hrupaŭ u sadkach № 65 i № 45.