Niekalki tysiač čałaviek adznačyli «Naš dzień» ŠMAT FOTA
U Muziei narodnaj architektury i pobytu, što pad Minskam, 30 červienia prajšoŭ rok-fest «Naš dzień» z całkam biełaruskaj prahramaj.
Za 10 hadzin tut vystupili Volski, Neuro Dubel, Dzieciuki, Akute, B:N:, «Daj darohu!», Nizkiz, «Krama», The Superbullz, «Mutnajevoka», Źmicier Vajciuškievič, Piatro Klujeŭ, Pylaj, Loudscage, i Čas Łajna.
U płanie vykanaŭcaŭ fiestyval vielmi padobny da kancerta na Dzień Voli 2018, ale tut užo kožny naviedvalnik nabyŭ kvitok i tym samy pakazaŭ, što možna źbirać tysiačy ludziej vyklučna na svaich muzykaŭ.
Cikavaja situacyja była ź bieł-čyrvona-biełymi ściahami. Šmat chto ŭziaŭ ściah z saboj, ale supracoŭniki muzieja prasili simvoliku schavać. Užo pad kaniec festu, na Dzieciuki i Volskim, skavanaść źnikła — i kala dziasiatka ściahoŭ załunała nad słuchačami.
Sam dyrektar muzieja Eduard Bahdanovič sačyŭ, kab nie było bieł-čyrvona-biełych ściahoŭ.