Rasija razbudoŭvaje jadziernyja abjekty kala miažy z Polščaj
Wikimedia Commons
Rasija aktyvizavała budaŭnictva vajennych abjektaŭ u Kalininhradskaj vobłaści, blizu miažy z Polščaj, paviedamlaje Defence One sa spasyłkaj na dadzienyja spadarožnikavych zdymkaŭ. U pryvatnaści, abnaŭleńnie vajennaj infrastruktury viadziecca ŭ Bałtyjsku, kala miažy z Polščaj.
Budaŭnictva vajennaj infrastruktury było adznačana na spadarožnikavych zdymkach, jakija byli pradastaŭleny vydańniu kampanijaj Planet Lab. Acenku vajennaha budaŭnictva pravioŭ analityk kampanii 3Gimbals, jakaja śpiecyjalizujecca na mašynnym analizie, Met Choł. Jon acaniŭ źmieny, zafiksavanyja pamiž dvuma zdymkami, zroblenymi na praciahu peŭnaha pramiežku času. Pavodle jaho słoŭ, abjekty majuć charakternyja rysy, jakija śviedčać ab mahčymym vykarystańni dla raźmiaščeńnia artyleryi i bojeprypasaŭ.
«Źmieny pamiž dvuma zdymkami, miarkujučy pa ŭsim, ujaŭlajuć saboj ŭmacavańnie budynkaŭ, padobnaje na budaŭnictva ŭmacavanych bunkieraŭ dla vybuchovych rečyvaŭ z prymianieńniem ziemlanych bierm (vałaŭ biaśpieki), pryznačanych dla adździaleńnia abjektaŭ ad navakolnaj terytoryi. Akramia taho prykmietnyja praśviety ŭ lasnych masivach, novyja struktury i ŭmacavańni», - prakamientavaŭ jon spadarožnikavyja zdymki. Aproč taho, na spadarožnikavych zdymkach, pa słovach ekśpierta možna ŭbačyć budaŭnictva novaj čyhunačnaj linii — padobnaja aktyŭnaść, śćviardžaje Defence One, była zafiksavana ŭ Abchazii pierad kanfliktam 2008 hoda.
Defence One taksama nahadała pra dakład Fiederacyi amierykanskich navukoŭcaŭ (FAS), vypuščany ŭ červieni 2018 hoda. U dakładzie ekśpierty FAS, taksama sa spasyłkaj na dadzienyja spadarožnikavaha analizu, paviedamlali pra abnaŭleńnie vajennaj infrastruktury ŭ Kalininhradskaj vobłaści.
«Na praciahu apošnich dvuch hadoŭ rasijskija vajennyja praviali kapitalny ramont abjektaŭ, jakija, vidać, źjaŭlajucca dziejučymi miescami zachoŭvańnia jadziernaj zbroi ŭ Kalininhradskaj vobłaści, prykładna ŭ 50 kiłamietrach ad polskaj miažy», — havaryłasia ŭ spravazdačy. Madernizacyja, u pryvatnaści, prajšła na mierkavanym schoviščy jadziernaj zbroi kala vioski Kulikova.