Ministr: praź piać-šeść hod budavać žyllo ŭ Minsku spyniać
«Heta nieminučaja pierśpiektyva, — zajaviŭ siońnia žurnalistam ministar architektury i budaŭnictva Biełarusi Anatol Čorny. — Kaliści nastupić miaža ŭnutry Mienskaha haradzkoha kalca, piša radyjo «Svaboda».
My sychodzim z taho, što ŭ stalicy možna pabudavać jašče prykładna 5 miljonaŭ kvadratnych metraŭ žylla. Kali raźličvać, što štohod budavać kala miljonu, to zastajecca piać, maksymum šeść hadoŭ».
Ministar skazaŭ, što dla tych, chto nie paśpieje pabudavacca za hety čas u stalicy, zastajecca varyjant haradoŭ-spadarožnikaŭ. Prykładam takich haradoŭ buduć Smalavičy.
Jon skazaŭ, što ŭžo pryniataje rašeńnie pašyryć aŭtatrasu ad Kurhanu Słavy da Smalavičaŭ. Taksama buduć palepšanyja čyhunačnyja kamunikacyi, i ŭ pierśpiektyvie šmat ludziej buduć žyć u haradach-spadarožnikach.
Pavodle ministra, užo da kanca hodu ministerstva maje vydać śpiecyjalny zakanadaŭčy akt pra toje, što zabudoŭcy pavinnyja buduć sychodzić ad sproščanaj zdačy žylla.
«Zdali dom — a potym znoŭ pačynajecca budaŭnictva: ludzi ciahnuć budaŭničyja materyjały i robiać unutranyja raboty. Ź ciaham času dojdziem da taho, što budziem zdavać kvatery z poŭnaj adździełkaj, z meblaj i z udziełam dyzajneraŭ», — skazaŭ Anatol Čorny.
Ministar dadaŭ, što sioleta za pieršaje paŭhodździe siaredni košt adnaho kvadratnaha metru žylla zabudoŭcy źnizili da 829 rubloŭ.