Minsk uvajšoŭ u suśvietny top haradoŭ z samym tannym internetam
Sajt Numbeo, jaki padličvaje vartaść žyćcia ŭ roznych krainach, skłaŭ śpis najbujniejšych haradoŭ płaniety pa košcie bieźlimitnaha 60-miehabitnaha interneta.
Usiaho ŭ śpisie 547 haradoŭ. Minsk pa darahoŭli interneta zaniaŭ 476 miesca ź siarednim miesiačnym koštam 60-miehabitnaha interneta $14,80. Takim čynam, Minsk znachodzicca ŭ śpisie siarod haradoŭ z tannym internetam.
Samymi darahimi haradami akazalisia Adys-Abieba (Efiopija) — 245 dalaraŭ (miesiačnaja abanpłata za bieźlimit chutkaściu bolš za 60 miehabit u siekundu), Hamiltan (Biermudy) — 149 dalaraŭ, Charare — 125 dalaraŭ, Abu-Dabi (AAE) — 117 dalaraŭ.
A voś samy tanny internet — va Ukrainie. Tam košt takoha interneta znachodzicca ŭ miežach $ 3-5.