Dziasiatki čałaviek zahinuli pry abvale mosta ŭ Hienui
Achviarami abvału aŭtamabilnaha mosta ŭ italjanskaj Hienui stali niekalki dziasiatkaŭ čałaviek, paviedamlaje Reuters sa spasyłkaj na źviestki miascovaj chutkaj dapamohi.
Hazieta Il Fatto Quotidiano pryvodzić kamientar kiraŭnika miascovaha ŭpraŭleńnia chutkaj dapamohi Frančeska Biermana, jaki taksama kaža pra vialikuju kolkaść achviar.
«Kałasalnyja razbureńni. Viadoma pra dziasiatki zahinułych, jakija zvalilisia z mosta, a taksama tych, chto apynuŭsia pad abłomkami. Pažarnyja i miedycynskija rabotniki vyciahvajuć ludziej, chtości ŭžo prybyŭ u balnicy Hienui», — paviedamiŭ jon. Pavodle jaho słoŭ, dapamohu miascovym miedykam akazvajuć miedycynskija słužby susiednich rehijonaŭ.
Padčas abrušeńnia na moście znachodziłasia nie mienš za dziasiatak aŭtamabilaŭ. Kiraŭnik chutkaj dapamohi, u svaju čarhu, kaža ab 20 mašynach, jakija apynulisia pad zavałami.