Hałoŭny trenier «Zienita»: Nas začapili słovy Łukašenki
Hałoŭny trenier «Zienita» Siarhiej Siamak prakamientavaŭ pieramohu nad minskim «Dynama» (8:1, pieršy matč 0:4) u matčy ŭ adkaz 3 raŭnda Lihi Jeŭropy.
«Ciažki matč absalutna. My vieryli da apošniaha. Chłopcy vieryli ŭ toje, što heta mahčyma. Mahčyma tolki tady, kali ty vieryš u heta.
Viadoma, usiu kamandu zakranuli słovy pra toje, što ŭ Minsku kamanda poŭzała na karačkach. Viadoma, heta akazałasia dla nas dadatkovym stymułam. Dziakuj vialiki. Heta zaŭsiody pa-dobramu padachvočvaje».
Nahadajem, paśla pieršaj hulni ŭ Minsku Alaksandr Łukašenka pavinšavaŭ minskaje «Dynama» z bujnoj pieramohaj nad «Zienitam» i raskrytykavaŭ dziejańni piciercaŭ, zajaviŭšy, što niekatoryja hulcy piciercaŭ «chadzili na karačkach».