Siońnia — matč Lihi čempijonaŭ BATE — PSV. Ale nie tak važna, jak jon skončycca
Fota Darji Burakinaj
Siońnia BATE i čempijon Hałandyi zhulajuć u pieršym matčy płej-of kvalifikacyi Lihi čempijonaŭ.
Hulnia projdzie na «Barysaŭ-Arenie» i pačniecca a 22-j hadzinie. Tranślacyja budzie vieścisia na «Biełaruś-5», abo na sajcie tvr.by.
Matč u adkaz praz tydzień, u sieradu, u Ejndchovienie.
Pieramožca dvuboju vyjdzie ŭ hrupavy raŭnd Lihi čempijonaŭ. Kamanda, što prajhraje, budzie hulać u Lizie Jeŭropy.
Nasamreč nie važna, jak vystupić BATE. Jeŭrakubkavuju vosień barysaŭcy nam harantavali. Liha čempijonaŭ — heta bolš tytułavanyja kłuby. Ale Liha Jeŭropy — heta bolš šancaŭ sustrecca z supiernikami svajho kłasa i prajści dalej.
Pieršy raz BATE vyjšaŭ u hrupavy turnir ŁČ 10 hadoŭ tamu, i z taho času tolki dvojčy nie traplaŭ u jeŭravosień. Hod tamu BATE hulaŭ u hrupavym raŭndzie Lihi Jeŭropy razam z «Arsienałam», «Crvienaj Źviezdaj» i «Kiolnam».