Pasoł Babič usio jašče zastajecca členam Rady biaśpieki Rasii
Michaił Babič, jaki 24 žniŭnia byŭ pryznačany pasłom Rasii ŭ Biełarusi, praciahvaje zastavacca členam Rady biaśpieki Rasii. Bolš za toje, na aficyjnym sajcie rasijskaha prezidenta była źmienienaja pasada Babiča.
Kali Babič zastaniecca ŭ Radzie biaśpieki, to heta budzie faktyčna ŭnikalny vypadak. Dypłamat, jaki znachodzicca ŭ inšaj krainie, budzie ŭvachodzić u skład najvažniejšaha dla krainy orhana, jaki farmuje paradak dnia ŭ dziaražaŭnaj palitycy i nacyjanalnaj biaśpiecy.
Babič byŭ uklučany ŭ Radu biaśpieki jak paŭnamocny pradstaŭnik prezidenta Rasii ŭ Pavołžskaj fiederalnaj akruzie.
Zvyčajna na vyviadzieńnie słužbovaj asoby z Rady biaśpieki paśla adstaŭki ci pieraviadzieńnia na inšuju pracu sychodzić mienš za tydzień.