U Homielskim rajonie mužčyna sprabavaŭ spalić sielski kłub, kab nasalić cieščy
3 kastryčnika ŭ vioscy Klimaŭka Homielskaha rajona mužčyna raźbiŭ škło sielskaha kłuba i padpaliŭ jaho. Miascovym žycharam udałosia łakalizavać pažar — paciarpieła tolki čytalnaja zała.
Milicyjaniery pryjechali na miesca zdareńnia, ahledzieli jaho i pačali apytańnie śviedak i žycharoŭ navakolnych damoŭ. Na nastupny dzień im udałosia vyśvietlić asobu padazravanaha. Im akazaŭsia 28-hadovy žychar Cahielni.
Pryčynaj padpału stała niepryjaznaść padazravanaha da ŭłasnaj cieščy, jakaja pracuje zahadčycaj sielskaha kłuba. Padpalščyk u momant złačynstva byŭ pjanym.
«Hierastratu» z Cahielni pahražaje pakarańnie ŭ vyhladzie abmiežavańnia voli da piaci hadoŭ abo pazbaŭleńnia voli na termin ad troch da dziesiaci hadoŭ.