Siamja ź Biarozy biez rehistracyi pradavała adzieńnie z Ukrainy praź internet i poštu. Raspačali kryminalnuju spravu
Kryminalnuju spravu za niezakonnuju pradprymalnickuju dziejnaść raspačali suprać troch žycharoŭ Biarozy jašče letaś.
Pa słovach načalnika Kobrynskaha mižrajonnaha adździeła UDFR KDK pa Bresckaj vobłaści Alaksandra Kandraciuka, jany pradavali žanočaje adzieńnie z dapamohaj paštovych adpraŭleńniaŭ nakładnoj płataj. Sami ž vyraby prezientavali praź internet — u sacyjalnych sietkach.
«Niezakonnaj pradprymalnickaj dziejnaściu svajaki — baćka, dačka i były ziać — zajmalisia try hady. Za hety čas jany atrymali ŭ jakaści dachodu zvyš 163 tysiač rubloŭ», — adznačyŭ pradstaŭnik finansavaj milicyi.
Vyśvietlena, što tavary kuplali va Ukrainie i ŭvozili jak rečy dla asabistaha karystańnia. Kryminalnuju spravu pieradali prakuroru dla nakiravańnia ŭ sud.