U Minsku zatrymali mužčynu, jaki rasstrelvaŭ ptušak ź pnieŭmatyki
Minčuk adstrelvaŭ ptušak, suprać jaho raspačataja kryminalnaja sprava, paviedamlaje Śledčy kamitet.
U dvary adnaho sa staličnych damoŭ 18 žniŭnia spyniŭsia aŭtamabil. U im znachodziŭsia 39-hadovy mužčyna, jaki ź pnieŭmatyčnaj vintoŭki stralaŭ pa ptuškach, jakija siadzieli na drevach. U vyniku mužčyna śmiarotna traŭmavaŭ 7 ptušak. Haradžanie zaŭvažyli mužčynu i paviedamili pra jaho dziejańni milicyi.
Nieŭzabavie minčuka zatrymali. Suprać jaho raspačali kryminalnuju spravu pa artykule «Žorstkaje abychodžańnie z žyviołaj, što vyklikała jaje hibiel».