Izrailevič zatrymany, ale nivodnaje siłavoje viedamstva ŭ hetym nie pryznajecca
Jak paviedamlała «Naša Niva», 30 kastryčnika byŭ zatrymany biznesmien Arkadź Izrailevič. Pa papiaredniaj infarmacyi, adbyłosia heta pry sprobie dačy chabaru dla ŭrehulavańnia biahučych budaŭničych patreb.
Fakt zatrymańnia paćvierdzili i blizkija da Izraileviča ludzi.
Ale jakoje viedamstva im zajmajecca? Dahetul nieviadoma.
«Jaho zatrymlivali nie my», — kažuć u KDB. U Śledčym kamitecie spravy suprać Izraileviča taksama niama. Nie prachodziŭ jon i pa linii Departamienta finansavych rasśledavańniaŭ.
Minskaja milicyja pra heta taksama ničoha nie viedaje.
Praŭda, zastajecca Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj, ale ŭ centralnym aparacie MUS kažuć, što infarmacyja praviarajecca, i ŭ razie paćvierdžańnia budzie apublikavana aficyjna.