Miljard rasijskaha kredytu raźviali za ličanyja dni
abnoŭlena
Niahledziačy na atrymańnie kredytu, zołatavalutnyja reziervy Biełarusi skaracilisia za listapad na $276,8 młn, abo na 7%.
Niahledziačy na atrymańnie kredytu, zołatavalutnyja reziervy Biełarusi skaracilisia za listapad na $276,8 młn, abo na 7%.
Zołatavalutnyja reziervy Biełarusi, raźličanyja pavodle standartaŭ MVF, na 1 śniežnia 2008 hoda skłali $3,775 młrd. Jany skaracilisia za listapad na $276,8 młn, paviedamlaje Nacbank.
A dzie ž miljard dalaraŭ, atrymanych ad Rasii ŭ jakaści kredytu? Vychodzić, što za dva miesiacy Biełaruś raźviała na padtrymańnie kursu i inšyja vydatki až 1,4 miljarda dalaraŭ. Uličvajučy toje, što pastupleńni valuty z-za miažy ŭ kastryčniku skaracilisia proci žniŭnia až na 25%, takoje vyhladaje całkam realistyčnym.
Jakim ža čynam statystyka toje chavaje?
U chitrasplacieńniach razabrałasia Ahienctva finansavych navinaŭ.
Zhodna z paviedamleńniem Nacbanku, u kastryčniku 2008 hodu ZVR skaracilisia ŭsiaho na $68,1 młn., u toj čas jak usie čakali bolš značnaha źnižeńnia na fonie rezkaha (na 504,6 młn tolki pa dalaravych tarhach)pieravyšeńnia popytu na valutu na tarhach BVFB nad prapanovaj. Hetaja ličba vyklikała čutki, što Nacbank niešta krucić.
Skažam tak — nie afišuje. Tak,
u apošni dzień kastryčnika — 31 kastryčnika — na mižbankaŭskim rynku była zafiksavanaja vielmi cikavaja ŭhoda pa adnadzionnych kredytach u zamiežnaj valucie na sumu 623,3 młn dalaraŭ,što ŭ šmat razoŭ vyšej za siaredniadzionny abjom rynku. Pryčym niejki zamiežny bank nadaŭ hety kredyt pa staŭcy, jakaja i blizka nie stajała z uzroŭniem rynkavych stavak pa kredytach overnight na suśvietnym rynku (6-8%) i pahatoŭ na biełaruskim rynku (12-15%) — usiaho pad 0,5%.
Hety adnadzionny kredyt byŭ aŭtamatam zaličany ŭ ZRV, što dazvoliła Nacbanku zajavić pra ŭsiaho tolki niaznačnaje źnižeńnie aktyvaŭ (biez kredytu było b źnižeńnie na ŭzroŭni $691 młn.), praduchilić mahčymuju paniku, vyratavać tvar biełaruskaj ekanamičnaj madeli i h.d.
3 listapada, u pieršy ž pracoŭny dzień listapada, hety kredyt pryjšłosia viarnuć. Paśla była pryniataja pastanova ab mierach pa stabilizacyi valutnaha rynku. Adnak i jana nie dapamahła.
Admoŭnaje salda na tarhach na BVFB u kastryčniku skłała $504,6 młn, a zołatavalutnyja rezervy źnizilisia (biez uliku zhadanaj mižbankaŭskaj uhody) na $691 młn. U listapadzie ž admoŭnaje salda na tarhach BFVB (u abodvuch vypadkach – havorka tolki pra tarhi dalarami) skłała $569,3 młn, a zołatavalutnyja rieziervy (biez uliku rasiejskaha kredytu i viartańnia adnadzionnaha kredytu) źnizilisia na $653,7.
Tak što manipulacyi statystykaj dali tolki karotkaterminovy efiekt.
Cikava, jakoha pachodžańnia byŭ miljard dalaraŭ, vyznačany na padtrymańnie Biełahraprambanku ŭ pieršyja dni śniežnia.
U ciapierašniaj situacyi atrymańnie kredytu MVF robicca dla biełaruskaha rubla pytańniem žyćcia abo śmierci.
ZVR skaračajucca čaćviorty miesiac zapar: da taho jany źnizilisia na $459,7 młn u vieraśni i na $44,6 młn u žniŭni.