Stała viadoma, kudy ŭładkavaŭsia papiaredni kiraŭnik BRSM
Andrej Bielakoŭ. Fota Minsknews.by.
Jak stała viadoma «Narodnaj Voli», 42-hadovy Andrej Bielakoŭ, jaki ŭ mai pakinuŭ post pieršaha sakratara BRSM, pracuje ciapier u Respublikanskim instytucie vyšejšaj škoły.
«Asnoŭnaja maja dziejnaść — heta navukovaja śfiera», — skazaŭ Bielakoŭ u intervju Maryi Ejsmant. U RIVŠ jon pracuje namieśnikam načalnika ŭpraŭleńnia pa vychavaŭčaj pracy z moładździu.
Adnačasova Bielakoŭ zastajecca členam Savieta Respubliki, jon byŭ abrany ŭ 2016 ad Homielskaj vobłaści. Sienatary, padkreślivaje vydańnie, pracujuć na hramadskich pačatkach i zarobku nie atrymlivajuć.
Bielakoŭ kiravaŭ Biełaruskim respublikanskim sajuzam moładzi mienš za čatyry hady. Na jaho miesca byŭ abrany 31-hadovy Dźmitryj Varaniuk.