Zamiest kryminalnaj spravy za dostup da BiełTA Paŭluku Bykoŭskamu dali štraf
Pra heta BAŽ paviedamiŭ sam Bykoŭski. Sprava suprać žurnalista pierakvalifikavanaja pavodle art. 252 KPK «u suviazi z prymianieńniem mier administracyjnaha ŭździejańnia». Žurnalist atrymaŭ štraf 735 rubloŭ.
Karespandent Deutsche Welle ŭ Biełarusi byŭ adnym z 14-ci abvinavačanych pa kryminalnaj «spravie BiełTA», zaviedzienaj suprać niedziaržaŭnych žurnalistaŭ.
Taksama kryminalny pieraśled spynieny suprać hałoŭnaha redaktara partała realt.by Uładzisłava Kuleckaha.
Artykuł 86 Kryminalna-pracesualnaha kodeksa RB praduhledžvaje vyzvaleńnie ad kryminalnaj adkaznaści z pryciahnieńniem asoby da administracyjnaj adkaznaści. Heta tyčycca asob, jakija ŭpieršyniu ździejśnili złačynstva, jakoje nie ŭjaŭlaje vialikaj hramadskaj niebiaśpieki, abo mienš ciažkaje złačynstva i kampiensavali škodu, albo vypłacili dachod, atrymany złačynnym šlacham, abo inšym čynam zahładzili naniesienuju złačynstvam škodu.