Za dva dni va Ukrainu nie puścili 85 rasijanaŭ, jakija lacieli ź Minska
Fota Dźmitryja Bruško
Za minułyja sutki z Kijeva ŭ Minsk viarnuli jašče 38 rasijanaŭ, jakich nie prapuścili ŭkrainskija pamiežniki ŭ aeraporcie. Pra heta TUT.BY paviedamili ŭ Dziaržpahrankamitecie Biełarusi.
U aŭtorak paviedamlałasia pra 47 hramadzian Rasijskaj Fiederacyi, jakich viarnuli ŭ aeraport Minska z Kijeva.
— Pa stanie na siońniašniuju ranicu z Kijeva viarnuli ŭ Minsk jašče 38 hramadzian Rasijskaj Fiederacyi. Takaja situacyja charakternaja tolki dla rejsaŭ u Kijeŭ, ź inšych ukrainskich haradoŭ, kudy lotajuć praź Biełaruś, zvarotaŭ nie było, — raspavioŭ aficyjny pradstaŭnik Dziaržpahrankamiteta Anton Byčkoŭski.
Dzieviać čałaviek z 38 viernutych u Minsk rasijanaŭ lacieli zamiežnymi avijakampanijami. Pavodle infarmacyi TUT.BY, pamiž Minskam i Kijevam lotajuć jašče i «Mižnarodnyja avijalinii Ukrainy».
Biełaruski Dziaržpahrankamitet adznačaje, što viartańnia rasijanaŭ, jakija jeduć va Ukrainu praź biełaruskija naziemnyja punkty propusku, niama.