JUNIESKA ŭklučyła Budsłaŭski fest u śpis niemateryjalnaj kulturnaj spadčyny
JUNIESKA ŭniesła Budsłaŭski fest u reprezientatyŭny śpis niemateryjalnaj kulturnaj spadčyny čałaviectva, paviedamlaje MZS.
«Mižuradavy kamitet pa achovie niemateryjalnaj kulturnaj spadčyny JUNIESKA siońnia padčas 13-j siesii adnahałosna pryniaŭ rašeńnie ab uklučeńni biełaruskaha elemienta niemateryjalnaj kulturnaj spadčyny «Uračystaść u honar šanavańnia Ikony Maci Božaj Budsłaŭskaj (Budsłaŭski fest)» u reprezientatyŭny śpis niemateryjalnaj kulturnaj spadčyny čałaviectva», — raspaviali ŭ pres-słužbie.
Budsłaŭski fest — heta adzin ź simvałaŭ biełaruskaj identyčnaści, uračystaść, jakaja adbyvajecca ŭ atmaśfiery ŭsieahulnaj pavahi i družby, abjadnoŭvaje roznyja hrupy ludziej, niezaležna ad ich relihijnych pohladaŭ, sacyjalnaha statusu i hiendarnych adroźnieńniaŭ.