Kanstancinopal uchvaliŭ prajekt statuta ŭkrainskaj carkvy
Sinod Suśvietnaha patryjarchata abviaściŭ, što padrychtavaŭ kanstytucyjnuju chartyju dla ŭkrainskaj carkvy.
«U kantekście rašeńnia, pryniataha Suśvietnym patryjarchatam ab aŭtakiefalii carkvy Ukrainy, i ŭ čakańni vypusku Patryjaršaha i Sinadalnaha tomasu, Śviaty sinod padrychtavaŭ kanstytucyjnuju chartyju ŭkrainskaj carkvy», — havorycca ŭ rašeńni Sinoda, apublikavanym viečaram 29 listapada.
Pry hetym Sinod Suśvietnaha patryjarchata nie nazvaŭ daty praviadzieńnia va Ukrainie abjadnaŭčaha sabora.
Prezident Ukrainy Piatro Parašenka abviaściŭ, što tekst tomasu ab niezaležnaści ŭkrainskaj carkvy byŭ uchvaleny. Jon dadaŭ, što datu praviadzieńnia abjadnaŭčaha pravasłaŭnaha sabora nieŭzabavie abvieścić patryjarch Varfałamiej.