«Coj žyvy». Što «Mark Farmel» prapanoŭvaje nasić sučasnym padletkam z pakaleńnia Z? FOTY
jak vam?
U Minsku prajšoŭ pakaz madelaŭ Fashion Z, hałoŭnymi hierojami jakoha stali sučasnyja padletki.
U ramkach pakazu byli pradstaŭlenyja novyja moładzievyja kalekcyi Mark Formelle: 16 vobrazaŭ z kalekcyi «Kino», pryśviečanaj tvorčaści lehiendarnaha hurta. A taksama kalekcyja vuličnaha adzieńnia Street Mix i «asieńnie-zimovy» varyjant kalekcyi La Dolce Vita, pradstaŭlenaj italjancam Łučana Paryzi.
«U hetym prajekcie my, z adnaho boku, dajom mahčymaść pakaleńniu Z prajavić siabie, a z druhoha — pakazvajem ich śviet. Časam ich tatuiroŭki, stryžki, ružovy koler vałasoŭ zdajucca ahresiŭnymi. Ale ŭsio heta — ich samavyjaŭleńnie i pošuk siabie ŭ hetym śviecie. Heta supierskaja moładź, jany inakš dumajuć, inakš dziejničajuć i cikava vykazvajuć svaju indyvidualnaść praz new look. Ja dastatkova šmat času baŭlu ŭ asiarodździ pakaleńnia Z, nazirajučy za imi, mahu skazać: jany dobryja, bolš adkrytyja, pytlivyja, razumnyja, a mnohija ź ich vałodajuć niekalkimi movami, surjozna zajmajucca navukaj, tvorčaściu, sportam! I nam u ich možna i treba šmat čamu pavučycca», — adznačyła aŭtarka idei i režysiorka prajekta, kreatyŭnaja dyrektarka Nagorny Model Management Nina Drako.
Styl novaha śvietu pradstavili mižnarodnaje ahienctva Nagorny Model Management i kampanija Mark Formelle pry padtrymcy časopisa Fashion Collection.
A jak vam vobrazy, jakija abiraje pakaleńnie Z?
