U Minsku źjaviacca art-abjekty ŭ honar biełaruskaj movy
Napiaredadni Novaha hoda, 31 śniežnia 2018 hoda horad Minsk atrymaje niezvyčajny padarunak — manumientalna-dekaratyŭny art-abjekt, vykanany ŭ vyhladzie skulpturnaj kampazicyi «Bieły ptach».
Ustanoŭka art-abjekta na terytoryi, prylehłaj da praśpiekta Pieramožcaŭ (nabiarežnaja, źleva ad Pałaca sportu), budzie zrealizavana ŭ miežach śpiecyjalnaha sacyjalna-kulturnaha prajekta «Vielič rodnaj movy» Nacyjanalnym centram sučasnych mastactvaŭ pry sadziejničańni i padtrymcy Ministerstva kultury Respubliki Biełaruś, a taksama Minskaha haradskoha vykanaŭčaha kamiteta.
Śpiecyjalna raspracavany prajekt «Vielič rodnaj movy» paklikany papularyzavać rodnuju movu, pašyryć jaje prysutnaść u paŭsiadzionnym žyćci horada, pa-novamu, z dapamohaj art-abjektaŭ, raskryć siemantyku biełaruskaha słova. Unikalnaść prajekta składajecca ŭ spałučeńni adukacyjnaj i mastackaj funkcyj, simvały rodnaj movy padajucca pry dapamozie pryjomaŭ i srodkaŭ vyraznaści mastactva.
Ideja prajekta praduhledžvaje ŭstanoŭku art-abjektaŭ u haradskim asiarodździ (parkach, płoščach, adkrytych prastorach) z tematyčnaj pryviazkaj da miesca ŭstanoŭki, vykananych u vyhladzie skulpturnaj kampazicyi abo małoj architekturnaj formy.
Prykłady takich słoŭ - Kachańnie, Niabiosy, Maci, Zapaviet, Mova i inš. - jakija niasuć u sabie vyklučna pazityŭnaje pazicyjanavańnie mientalitetu biełaruskaha naroda, jaho duchoŭnaj spadčyny. Asobnaj zadačaj dla prajekta źjaŭlajecca raźvićcio turystyčnaha patencyjału stalicy i ŭsioj Respubliki.
Da raspracoŭki art-abjektaŭ dałučylisia biełaruskija mastaki i dyzajniery, členy tvorčych sajuzaŭ Respubliki Biełaruś, jakija pracujuć u sumiežnych technikach i žanrach, vykładčyki vyšejšych navučalnych ustanoŭ mastackaha profilu, a taksama studenty, ź liku najlepšych, Biełaruskaj dziaržaŭnaj akademii mastactvaŭ i kafiedry «Dyzajnu architekturnaha asiarodździa» architekturnaha fakulteta Biełaruskaha nacyjanalnaha techničnaha univiersiteta.
Aŭtaram skulpturnaj kampazicyi «Bieły ptach» vystupiŭ viadomy biełaruski mastak-skulptar, siabra Biełaruskaha sajuza mastakoŭ, Valeryj Małachaŭ.