Žycharka Maładziečna zadušyła 8-hadovaha syna i sama pazvaniła ŭ milicyju
Fota SK
26 studzienia ŭ maładziečanskuju milicyju pastupiła paviedamleńnie ad 29-hadovaj žančyny. Jana zajaviła, što zadušyła syna.
Akazałasia, što žančyna nie schłusiła, u jaje kvatery znajšli cieła 8-hadovaha chłopčyka.
«U suviazi z najaŭnymi prykmietami psichičnaha rasstrojstva jana špitalizavana ŭ miedycynskuju ŭstanovu, dzie vystaŭleny post achovy. Pa najaŭnych źviestkach, padazravanaja vychoŭvała dzicia adna i pražyvała ŭ kvatery sa svaimi svajakami.
Śledčymi z metaj ŭstanaŭleńnia matyvu, abstavinaŭ, usich mahčymych faktaraŭ, jakija stali pryčynaj taho, što adbyłosia, dapytvajucca svajaki, susiedzi. Dakładnaja pryčyna śmierci dziciaci budzie viadomaja pa vynikach sudova-miedycynskaj ekśpiertyzy», - paviedamiŭ Śledčy kamitet
Ciapier žančyna pad vartaj.