Jeŭrapiejskija krainy pryznali Huajdo časovym prezidentam Vieniesueły
Shutterstock.com
Šerah jeŭrapiejskich krain pryznaŭ lidara apazicyi Vieniesueły Chuana Huajdo časovym prezidentam krainy. Pra heta paviedamlaje Reuters.
4 lutaha pra pryznańni Huajdo zajavili Šviecyja, Danija, Vialikabrytanija, Ispanija, Aŭstryja, Hiermanija i Francyja. Jak adznačaje ahienctva, heta adbyłosia pa zakančeńni 8-dzionnaha ŭltymatumu dziejnamu prezidentu Vieniesueły Nikałasu Maduru. Krainy pradjavili jamu patrabavańni abviaścić ab praviadzieńni novych prezidenckich vybaraŭ da 3 lutaha.
«Nikałas Madura nie pryznačyŭ novyja prezidenckija vybary va ŭstanoŭleny termin. Tamu Vialikabrytanija naroŭni ź jeŭrapiejskimi sajuźnikami pryznaje Chuana Huajdo časovym kanstytucyjnym prezidentam da taho času, pakul nie buduć praviedzieny vybary, - napisaŭ u svaim tvitary kiraŭnik brytanskaha MZS Džeremi Chant. — Spadziajemsia, što heta pryviadzie da chutčejšaha zakančeńnia humanitarnaha kryzisu».