U Litvie źjaviŭsia niezvyčajny Tinder. Dla znajomstva z sabakami z prytułkaŭ
Litoŭskija raspracoŭščyki vypuścili dadatak GetPet dla Android, z dapamohaj jakoha možna znajomicca z sabakami z prytułkaŭ. Jak i ŭ Tinder, u žyvioł jość svaje profili z fotazdymkami i apisańniami, piša Delfi.lt
U apisańniach pakazvajucca poł, uzrost i inšyja detali (naprykład, ci pravodziłasia sterylizacyja abo kastracyja).
Na hałoŭnym ekranie karystalnikam pakazvajuć profili hadavancaŭ. «Kryžyk» - pierachod da nastupnaha sabaki, «sercajka» - žyvioła vam spadabałasia i vy hatovyja sustrecca ź im u prytułku. Tam z sabakam možna parazmaŭlać i vyrašyć, ci vy chočacie zabrać jaje da siabie.
Akramia taho, na praciahu pieršych dvuch tydniaŭ nastaŭniki z GetPet buduć dapamahać paradami pa dohladu za hadavancam. Pakul dadatak pracuje tolki ŭ Litvie. U budučyni stvaralniki GetPet płanujuć dadać u dadatak katoŭ i inšych žyvioł.