Abvieščany šort-list premii «Debiut»
Žury vyznačyła karotki śpis naminantaŭ na premiju «Debiut» imia Maksima Bahdanoviča.
Sioleta ŭ jaho ŭvajšli:
Paezija
Aleś Zamkoŭski. Nastupny prypynak. — Minsk: Knihazbor;
Halina Siŭčanka. Zoŭ zvyčaju. — Minsk: Miedysont;
Staś Karpaŭ. Kancylaryi roznych spraŭ. — Minsk: Miedysont.
Pierakład
Julija Alejčanka: Viecier u vałasach (pierakłady aŭtaraŭ: Mikaił Mušfih (Azierbajdžan), Siarhiej Komaŭ (Kazachstan), Men Chaažań (Kitaj), Siuj Čžymo (Kitaj), Majronis (Litva), Andrej Karovin (Rasijskaja Fiederacyja), Salich Hurtujeŭ (Kabardzina-Bałkarskaja Respublika), Łuła Kuni (Čačenskaja Respublika), Nizom Kasim (Respublika Tadžykistan), Lesia Mudrak (Ukraina), Siarhiej Savin (Ukraina). — Minsk: Vydaviecki dom «Źviazda»;
Lida Naliŭka: Łeś Bełej. Lichija dzievianostyja. Luboŭ i nianaviść u Užharadzie (z ukrainskaj). — Vilnia: Łohvinaŭ;
Paŭlina Vituščanka: Ryčardas Havialis. Vilenski pokier (ź litoŭskaj). — Vilnia: Łohvinaŭ.
Proza
Aleś Kirkievič. Samuraj. — Minsk: Knihazbor;
Stefan Korf. Paleski dyjaryuš dyvizii Sierakoŭskaha: mistyčnaja apovieść u šaścidziesiaci troch dniach. — Minsk: Knihazbor;
Darja Trajden. Kryštalnaja noč. — Minsk: Knihazbor;
Pieramožcy premii ŭ kožnaj z naminacyjaŭ atrymajuć ad Fondu «Viartańnie» 2000$ pavodle kursu Nacyjanalnaha banka RB. Taksama žury moža pryniać rašeńnie pra ŭručeńnie zaachvočvalnych pryzoŭ. Zhodna z Pałažeńniem ab praviadzieńni premii, u adnoj ci niekalkich naminacyjach pieramožca moža nie vyznačacca. Vyniki premii buduć ahučanyja na ŭračystaj cyrymonii ŭ kancy sakavika.
U sioletniaje žury premii ŭvajšli: Pavieł Bierahovič, Leanid Hałubovič, Adam Hłobus, Viera Žybul (Burłak), Hanna Kiślicyna, Andrej Chadanovič, Hanna Jankuta.
***
Premija «Debiut» imia Maksima Bahdanoviča była zasnavanaja ŭ 2010 hodzie Biełaruskim PEN-centram, Dabračynnym fondam «Viartańnie» i Sajuzam biełaruskich piśmieńnikaŭ. Siarod papiarednich pieramožcaŭ — Vital Ryžkoŭ, Natałka Charytaniuk, Anton Francišak Bryl, Viktar Marcinovič, Andrej Adamovič, Julija Šarova, Hanna Jankuta, Kaciaryna Macijeŭskaja, Zarasłava Kaminskaja, Hanna Komar, Jula Cimafiejeva, Taćciana Niadbaj i inš.